नाझरे-(वार्ताहर ) मौजे नाझरे येथील श्रीधर कन्या प्रशाला व ज्युनिअर कॉलेज नाझरे येथे सन 2018 मध्ये महाराष्ट्र राज्य परीक्षा परिषद पुणे मार्फत घेण्यात आलेल्या राष्ट्रीय आर्थिक दुर्बल घटक विद्यार्थ्यांसाठी शिष्यवृत्ती योजना परीक्षा (एन. एम. एम. एस.) मध्ये दैदिप्यमान यश संपादन करून यशाची परंपरा कायम राखली. प्रशालेतील गुणवंत विद्यार्थीचा पालकसमवेत सत्कार प्राचार्य श्री प्रकाशराव परिचारक व पर्यवेक्षिका श्रीमती यास्मिन मुल्ला यांच्या हस्ते संपन्न झाला.प्रशालेचे गुणवंत विद्यार्थी पवार सुशांत हणमंत,
कु. परिहार सोनिया विशाल, कु. पवार साक्षी अनिल, कु.ढोबळे आकांक्षा शत्रुघ्न,कु. भिवरे सानिया प्रशांत
हे पाच विद्यार्थी शिष्यवृत्तीधारक ठरले आहेत.
या प्रत्येक विद्यार्थ्यांना प्रतिवर्षी 12,000 रुपये प्रमाणे पुढील चार वर्षासाठी एकूण 48,000 रुपये शिष्यवृत्ती मिळणार आहेत. यावेळी आपले मनोगत व्यक्त करताना प्राचार्य श्री. प्रकाशराव परिचारक यांनी यशस्वी विद्यार्थ्यांचे अभिनंदन केले तसेच पालक श्री. हणमंत पवार यांनी आपल्या मनोगतातून प्रशालेतील शैक्षणिक गुणवत्तेचे कौतुक केले व मार्गदर्शक शिक्षकांचे अभिनंदन केले. या कार्यक्रमाचे सूत्रसंचालन कलाशिक्षक श्री शिवभूषण ढोबळे सर यांनी केले.
या प्रसंगी पालक श्री. हणमंत पवार, सौ. गीता परिहार, श्री. शत्रुघ्न ढोबळे, श्री. अनिल पवार, श्री. प्रशांत भिवरे हे उपस्थित होते. सदर विद्यार्थ्यांचे संस्था अध्यक्षा श्रीमती. रुद्रम्मा पाटील, उपाध्यक्षा यमुनाताई पाटील व संस्था सचिव श्री मुकुंदराव पाटील सर यांनी कौतुक केले.
वरील गुणवंत विद्यार्थ्यांना श्रीमती डांगे मॅडम, श्री सिद्धार्थ मोटे सर, श्री. दत्तात्रय पाटील सर, श्री. मच्छिंद्र बाबर सर यांचे बहुमोल मार्गदर्शन लाभले.
या कार्यक्रम प्रसंगी सर्व शिक्षक, शिक्षकेतर कर्मचारी, विद्यार्थी व पालक मोठ्या संख्येने उपस्थित होते.
Post a Comment